Wuběr rěčow: deutsch1hornjoserbsce

Serbska tastatura pod Windows 7

Zarjadowanje

Ze slědowacymi nastajenjemi mózěće z wašej tastaturu serbske pismiki wužiwać. Delnjo- a hornjoserbski tastaturowy ćěrjak staj z Windows 7 skónčnje ze standardom. Instalacija přidatneho programa njeje wjac trjeba.

  1. klikće na 'Start / Systemsteuerung'
  2. menijowy dypk 'Region und Sprache' wuzwolić
  3. w registrje 'Tastaturen und Sprachen' na 'Tastaturen ändern' tłóčić
  4. na 'Hinzufügen' kliknyć
  5. z naličenja 'Sorbisch erweitert' wuzwolić a 'OK' stłóčić
  6. 'Standardeingabesprache Obersorbisch' wuzwolić a z 'OK' wobkrućić

Delnjoserbski tastaturowy ćěrjak zarjaduje so wotpowědnje wopisanemu.

Wužiwanje

W kombinaciji wužiwanja tastow za interpunkciju (1 a 2) a tastow bjez interpunkcije hodźa so wotpowědne serbske pismiki nastajić. Tak nastanje na přikład z tastow '1' a 'r' pismik 'ř'.

  1. interpunkcija z hóčku: č, Č, ě, Ě, ř, Ř, š, Š, ž, Ž,
  2. interpunkcija ze smušku: ć, Ć,  ń, Ń,ó, Ó, ŕ, Ŕ, ś, Ś, ź, Ź 
  3. za pismiki  ł a Ł

Wuměnjenje za wužiwanje serbskeje tastatury je wuzwolenje wotpowědneje rěčneje skrótšenki (HS abo DS) we delnej wobkromje Windows.

 

radyserb net solutions